Digital Nomad Vizası — Tələblər [2026]

Nümunə: 3 nəfərlik ailə (ərizəçi + həyat yoldaşı + uşaq) üçün minimum aylıq gəlir 4,273 EUR olmalıdır.

Gəlir vergidən əvvəlki (brüt) məbləğdir. İşçilər üçün əmək müqaviləsi və maaş kağızları ilə, sərbəst işçilər (freelancer) üçün müştəri fakturaları ilə təsdiqlənir.

• Avropa Birliyi xaricində ölkə vətəndaşı olmalısınız
• Xarici şirkətə və ya müştərilərə uzaqdan işləyirsiniz
• Ǝn azı 3 ay hazırkı işəgötürən və ya müştəri ilə işləyirsiniz
• İşəgötürən/müştəri ən azı 1 il fəaliyyətdədir
• Peşəkar ixtisasınız (universited diplomu) və ya 3+ il iş təcrübəniz var
• Sərbəst işçilər (freelancer) öz ölkəsində rəsmi qeydiyyatdan keçməlidir [2026 yenilik]
• Mehkumsuzluq isbatı

1. Pasport (ən azı 12 ay etibarlı) və surəti
2. Ǝmək müqaviləsi və ya xidmət müqavilələri (vəzifə, müddət, əmək haqqı EUR ilə, uzaqdan işləməyə icazə qeyd olunmalıdır)
3. İşəgötürənin və ya müştərinin fəaliyyətini təsdiq edən sənəd — ən azı 1 il fəaliyyət göstərdiyini sübut edən Certificate of Good Standing və ya analoji sənəd (müraciət tarixindən ən çox 6 ay əvvəl verilməlidir) [2026 yenilik]
4. Peşə ixtisasını təsdiq edən diplom (apostil və tərcümə ilə) və ya ən azı 3 illik iş təcrübəsini təsdiq edən rəsmi sənədlər (vergi və ya sosial müdafiə hesabatları)
5. CV (tərcümeyi-hal) — ispan dilində
6. Məhkumluğun olmaması haqqında arayış (son 2 ildə yaşanılmış ölkələrdən) və son 5 il ərzində ciddi cinayət törədilmədiyini dair imzalanmış bəyannamə
7. Sosial müdafiə sertifikatı (A1 forması) və ya qeydiyyat öhdəliyi bəyannaməsi (ətraflı məlumat aşağıda)
8. Tibbi sığorta — müəyyən hallarda tələb olunur (ətraflı məlumat aşağıda)
9. Sərbəst fəaliyyət göstərən şəxslər üçün: öz ölkəsində rəsmi qeydiyyatı təsdiq edən sənəd [2026 yenilik]
10. Pasport ölçülü fotoşəkillər

Bütün sənədlər ispan dilinə tərcümə edilməli və apostil olunmalıdır.

Həyat yoldaşınız və 18 yaşınadək uşaqlarınız sizinlə birlikdə müraciət edə bilərlər. Rəsmi nikahda olmayan tərəfdaş üçün rəsmi şəkildə birgə yaşayışı təsdiq edən sənəd tələb olunur.

Ailə üzvlərinin asılı ailə üzvləri kimi daxil edilməsi əsas ərizəçi üçün maliyyə tələblərinin artmasına səbəb olur (yuxarıdakı cədvələ baxın).

İşçilər üçün: Ǝgər ölkənizlə İspaniya arasında qarşılıqlı sosial müdafiə haqqında saziş mövcuddursa, işəgötürəniniz A1 forması (sosial müdafiə sertifikatı) üçün müraciət edə bilər. Belə saziş olmadığı halda, işəgötürən işçinin İspaniyanın sosial müdafiə sistemində qeydiyyatını təmin etməlidir.

Sərbəst fəaliyyət göstərən şəxslər üçün: Sosial müdafiə sertifikatı tələb olunmur. Bunun əvəzinə, müraciət təsdiq edildikdən sonra İspaniyanın sosial müdafiə sistemində qeydiyyata düşəcəyinizə dair imzalanmış bəyannamə təqdim edilməlidir.

İlk il üçün ödəniş təxminən 88 avro/ay təşkil edir (bəzi regionlarda bu məbləğin geri qaytарılması mümkündür).

“Beckham qanunu” (İspaniyada xaricdən köçən işçilər üçün xüsusi vergi rejimi) Digital Nomad vizası sahiblərinə müəyyən şərtlər daxilində sabit vergi rejimindən yararlanmağa imkan verir.

• İldə 600,000 avroya qədər gəlirə 24% sabit vergi dərəcəsi tətbiq olunur
• 600,000 avrodan yuxarı gəlir hissəsinə isə 47% vergi dərəcəsi tətbiq edilir

Müqayisə üçün, standart İspaniya vergi rezidentləri üçün gəlir vergisi dərəcələri proqressivdir və təxminən 47%-ə qədər yüksələ bilər.

• İspaniyaya köçdüyünüz ildən başlayaraq ümumilikdə 6 il (köç ili + 5 il) müddətində qüvvədə olur
• Xarici mənbədən əldə olunan gəlirlər İspaniyada vergiyə cəlb olunmur (lakin digər ölkələrdə vergi öhdəliyi yarana bilər)

Tələb olunan sənədlərin toplanması, tərcüməsi və apostille edilməsi — təxminən 2-4 həftə.

Müraciətin İspaniya səfirliyi (Ankara) və ya İstanbul Baş Konsulluğu, yaxud İspaniyadan UGE vasitəsilə təqdim edilməsi.

Konsulluqdan cavab adətən 1-2 ay çəkir. İspaniyadan müraciətdə isə 20 iş günü.

Viza alındıqdan sonra 90 gün ərzində İspaniyaya daxil olmalısınız.

İspaniyaya daxil olduqdan sonra 30 gün ərzində barmaq izi verilməsi və oturum kartının rəsmiləşdirilməsi üçün müraciət edilməlidir.

Azərbaycan vətəndaşları müraciəti İspaniyanın Ankara səfirliyi və ya İstanbul Baş Konsulluğu vasitəsilə təqdim edirlər. Bu halda yalnız 1 illik viza verilir və sonradan İspaniyada oturum icazəsinin rəsmiləşdirilməsi tələb olunur.

İspaniyada qanuni əsasla (məsələn, turist kimi) olarkən birbaşa 3 illik oturum icazəsinə (və ya müqavilənin müddətinə uyğun olaraq) müraciət etmək mümkündür. Bu prosedur daha sürətlidir (təxminən 20 iş günü ərzində baxılır) və konsulluq mərhələsini keçmək tələb olunmur.

Tibbi sığorta: Xüsusi tibbi sığorta yalnız A1 forması (sosial müdafiə sertifikatı) ilə müraciət edən şəxslər üçün tələb olunur. Sığorta İspaniyada etibarlı olmalı, tam əhatəli olmalı və əlavə ödənişsiz (co-payment olmadan) olmalıdır.

Sərbəst fəaliyyət göstərən şəxslər İspaniyanın sosial müdafiə sisteminə qeydiyyat öhdəliyi götürdükləri halda, ayrıca tibbi sığorta tələb olunmur. Bu halda sosial müdafiə ödənişləri vasitəsilə dövlət səhiyyə xidmətlərindən istifadə hüququ əldə edilir (ilk il üçün təxminən 88 avro/ay).

• İspaniya Konsulluğu (İstanbul) — Digital Nomad viza tələbləri
• İspaniya Səfirliyi (Ankara) — Azərbaycan vətəndaşları üçün
• Ley 28/2022 — Startups Act (BOE rəsmi mətni)